Қиял мен шеберлік әлемі: қағаздан мысық қолөнерін жасау

Бүгін біздің «Қиялшылдар мен шеберлер» үйірмесінде қызықты әрі танымды сабақ өтті. Балалар «Қағаздан мысық жасау» атты қолөнер бұйымын дайындады. Бұл жұмыс тек ұқыптылықты ғана емес, сонымен қатар қиялды, шыдамдылықты және шығармашылық көзқарасты қажет етті.     Сабақ үй жануарлары, әсіресе мысықтар туралы педагогтың қысқаша әңгімесінен басталды. Балалар мысықтардың қандай тұқымдары болатынын, түстерінің ерекшеліктерін және мінез-құлықтары қандай болатынын еске түсірді. Одан кейін балалар қолөнер үлгісін қарап, мұқият түрде кезең-кезеңімен түсіндірілген нұсқаулықты тыңдап, іске кірісті.      Әр балаға қажетті құралдар мен дайын үлгілер берілді: түрлі-түсті қағаз, желім, қайшы, фломастерлер. Педагогтың қадағалауымен балалар мысықтың денесі, басы, құлақтары, аяқтары мен құйрығын қиып дайындады. Содан кейін олар элементтерді мұқият жапсырып, бұйымға көлем берді.     Мұндай сабақтар келесі дағдыларды дамытуға көмектеседі:

            •           ұсақ моториканы;

            •           ұқыптылық пен төзімділікті;

            •           қиял мен шығармашылықты;

            •           кезең-кезеңімен жұмыс істеу мен істі соңына дейін жеткізу қабілетін.

Сабақ соңында қатысушылар өз жұмыстарынан шағын көрме ұйымдастырды. Барлық мысықтар өте әдемі әрі әсерлі болып шықты.